ХИЁНАТИ НАҲЗАТИҲО БА МАЗҲАБ ВА МИЛЛАТ

Шурӯъ аз ибтидои солҳои 90-уми асри гузашта як гурӯҳи одамон бо истифода аз номи поки ислом барои расидан ба манфиатҳои шахсӣ даст ба хиёнати миллат ва мазҳаб заданд. Онҳо сараввал мардумро ба "Майдони шаҳидон" даъват намуда, халқи кишварро ба ду гурӯҳ ҷудо карданӣ шуданд. Дар натиҷа ҷанги шаҳрвандӣ ва оқибатҳои ногувори он чӣ паёмадҳои баде ба сари ин миллат овард. Бо ирода ва лутфи Худованд шахсияти бузурге бо дили пур аз меҳру муҳаббат ва раҳму шафқат ба рӯи саҳнаи сиёсат омад, ки ин абармарди дунёи сиёсат Эмомалӣ Раҳмон буд. Бо талошҳои шабонарӯзии Пешвои миллат сулҳу осоиштагӣ барқарор гардид. Онҳое ки дар хориҷи кишвар буданд, ба Ватан баргашта омаданд. Давлату Ҳукумат онҳоро авф карда, ба обод кардани диёр даъват намуд, ба ҳар яки онҳо вазифаҳо доду соҳиби ҷои кор ва хонаву дар гардонид.

 Вале он хоинон бо ин ҳама хубиҳо нигоҳ накарда, боз бо машварати хоҷагони хориҷиашон дар фикри дубора ноамн сохтани кишвар шуда, соли 2015 даст ба бераҳмиҳо заданд, ки ин бор ба мақсадҳои нопокашон нарасиданд. Ҳоло бошад, саркардаҳои онҳо монанди Кабирӣ ва М. Садриддин аз хориҷ истода, бо истифода аз интернет мардуми моро ба ҷанг ва тафриқаандозӣ даъват карда истодаанд.

  Вале мардуми шарифи Тоҷикистон, ки аз ҳар як хидматҳои Пешвои миллат огоҳ буда, ҳамарӯза дар ҳаққашон дуои хайр мекунанд, ҳеҷ гоҳ ба суханони хоинон гӯш намедиҳанд ва паи ободии кишвар ҳастанд.

Хусусан сафари Сарвари давлат ба Ворух ва ба истифода додани иншооти зиёди ҷашнӣ, ҳамчунин партавафшон шудани Парчами миллӣ дар маркази Ворух рӯҳия мардумро дар Ватандӯстӣ ва ҳифзу ҳимояи Ватан аз тамоми хатарҳо баланд бардошт.

Шарофиддин Фозилов

имомхатиби масҷиди ҷомеи шаҳри Ҳисор