Хоҳиш мекунам, ки тасбеҳоти моҳи Рамазонро бо хатти арабӣ ва тарҷумаи маънои он бо забони тоҷикӣ равон кунед. Қаблан сипосгузорам

Ва алайкумуссалому ва раҳматуллоҳ. Бародари азиз, тасбеҳоти таровеҳ бо тарҷумаи он чунин аст:

سُبْحَانَ ذِي المُلْكِ وَالْمَلَكُوتِ، سُبْحَانَ ذِي العِزَّةِ وَالعَظَمَةِ وَالقُدْرَةِ وَالْكِبْرِيَاءِ وَالجَبَرُوتِ، سُبْحَانَ المَلِكِ الْحَيِّ الَّذِي لَا يَنَامُ وَلاَ يَمُوتُ، سُبُّوحٌ قُدُّوسٌ رَّبنا وَرَبُّ المَلائِكَةِ وَالرُّوحِ، لاَ إِلَهَ إِلَّا اللهُ نَسْتَغْفِرُ اللهَ، نَسْأَلُكَ الجَنَّةَ وَنَعُوذُ بِكَ مِنَ النَّارِ

Пок аст Худойе, ки соҳиби олами зоҳир ва олами ғайб аст, пок аст Худойе, ки соҳиби қуввату бузургӣ ва соҳиби тавоноӣ ва бузургию некӯӣ ва дурусткунандаи ҳоли шикастадилон ва ниёзмандон аст. Пок аст он Подшоҳи Зиндае, ки намехобад ва намемирад, пок аст аз ҳама сифоти нолоиқ ва бағоят муназзаҳ аст аз ҳама нишонаҳои нақсу айб, Парвардигори мо ва Парвардигори фариштагон ва Ҷабраил аст. Нест маъбуде барҳақ ба ҷуз Аллоҳ ва аз Аллоҳ омурзиш мехоҳем. Худовандо, аз Ту ҷаннатро мехоҳем ва аз оташи дўзах ба Ту паноҳ мебарем.