Home News Саидмукаррам Абдуқодирзода ба рӯзноманигорони турк: наҳзатиён аз некбиниҳои ҳукумат сӯистифода карданд

Саидмукаррам Абдуқодирзода ба рӯзноманигорони турк: наҳзатиён аз некбиниҳои ҳукумат сӯистифода карданд

Саидмукаррам Абдуқодирзода ба рӯзноманигорони турк: наҳзатиён аз некбиниҳои ҳукумат сӯистифода карданд
2018-02-01
3626

Санаи 31 январи соли 2018 дар шаҳри Истанбул мусоҳибаи Раиси Шӯрои уламои Маркази исломии Тоҷикистон Саидмукаррам Абдуқодирзода бо хабарнигорони шабакаи давлатии телевизионии “ТРТ”, рӯзномаи бахши форсӣ ва туркии агентиии давлатии “Анадолу” ва хабарнигори бахши туркии рӯзномаи “Спутник” баргузор гардид.

Дар рафти мусоҳиба Саидмукаррам Абдуқодирзода бо пешниҳоди рӯзноманигорони турк оид ба  ҳамкориҳо миёни Шӯрои уламои Марказӣ исломии Ҷумҳурии Тоҷикистон ва диёнати Ҷумҳурии Туркия изҳори назар намуда, дар мавриди пешгирии амалҳои тахрибкоронаи ташкилоти террористии ҲНИТ ва созмони Фатҳуллоҳ Гӯлен аз ҷониби мақомотҳои марбутаи Ҷумҳурии Тоҷикистон маълумоти зарурӣ пешниҳод кард. Дар ин росто муфтии Тоҷикистон қайд намуд, ки гурӯҳи террористии наҳзат ҳанӯз солҳои ҳаштодуми асри гузашта, бо истифода аз номи Ислом зери пӯшиш, фаъолияти харобкориашро оғоз кард. Инчунин Абдуқодирзода тазаккур дод, ки дере нагузашта чеҳраи воқеии наҳзат ошкор гардид, ӯ изҳор намуд, ки аъзоёни созмони террористии мазкур, ки қаблан дар Афғонистон таълими низомӣ гирифта буданд, бо мақсади ғасби ҳукумати Тоҷикистон даст ба амалиёти мусаллаҳона заданд. Ҳамин тартиб, муфтӣ тазаккур дод, ки ҳаводорони созмони террористии назҳат миллати осоиштаи тоҷикро ба ҷанг кашида, дар натиҷа 150 ҳазор нафар мардуми шарифи Тоҷикистонро бераҳмона ба қатл расониданд.

Рӯзноманигорони турк аз амалҳои террористии наҳзат ба ҳайрат омода, суол карданд, ки чаро Ҳукумати Тоҷикистон барои фаъолияти минбаъдаи назҳат иҷозат доданд?

Дар ҷавоб С.Абдуқодирзода тазаккур дод, ки Ҳукумати Ҷумҳурии Тоҷикистон барои қатъ намудани ҷанг дар кишвар ба наҳзатиҳо иҷозат дод, ки фаъолиташонро дар доираи қонун ба роҳ монда, дар пешрафти Тоҷикистон саҳм гузоранд. Муфтӣ таъкид намуд, ки муттассифона аъзоёни ташкилоти мазкур аз некбинии Ҳукумат сӯиистифода намуда, дубора ба мардуми шарифи Тоҷикистон хиёнат карданд. Қайд карда шуд, ки ҷонибдорони наҳзат сентябри  соли 2015 ба табадулоти низомӣ даст заданд, ки хушбахтона ин маротиб халқи тоҷик саривақт ба онҳо ҷавоби зарурӣ доданд. Ба ҳамин тартиб, Раиси Шӯрои уламо таъкид намуд, ки Суди Олии Ҷумҳурии Тоҷикистон бо пешниҳоди миллати тоҷик наҳзатро ҳамчун ташкилоти экстремистӣ ва террористӣ эълон намуд. Изҳор гардид, ки дар натиҷаи ҳамкориҳои судманд миёни мақомотҳои дахлдори Тоҷикистону Туркия фаъолияти душманонаи аъзоёни наҳзат дар қаламрави Туркия қатъ гадида, ҷонибдоронаш аз кишвар берун карда шуданд.

Дар анҷоми мусоҳиба Саидмукаррам Абдуқодирзода бо пешниҳоди рӯзноманигорон дар мавриди вазъи имрӯзаи Қудс ва амалиёти низомии Туркия дар шаҳри Африни Сурия низ изҳори назар намуд.

Pray time in Dushanbe

29.03.2024

More
Fajr04:43
Zuhr12:40
Asr16:56
Maghrib18:55
Isha20:25
Speeches by the President
Паёми шодбошӣ ба муносибати иди Қурбон

Паёми шодбошӣ ба муносибати иди Қурбон

More
Speeches by the Head of Islamic Сentre
Паёми  табрикии Раёсати Шўрои уламои Маркази исломии Ҷумҳурии Тоҷикистон ба муносибати фаро расидани моҳи мавлуди Пайғамбар (с)

Паёми табрикии Раёсати Шўрои уламои Маркази исломии Ҷумҳурии Тоҷикистон ба муносибати фаро расидани моҳи мавлуди Пайғамбар (с)

More