Савол № 01554

Маънои номи Рустам, Узайр, Дилноз ва Гулнозро мегуфтед.

Савол:

Ассалому алайкум. Муллое ба ман гуфт, ки агар одам ба шикам хоб равад, яке аз нишонаҳои дӯзахӣ будани ӯро нишон медиҳад. Оё ин рост аст? Маънои номи Рустам, Узайр, Дилноз ва Гулнозро мегуфтед.

Саволдиҳанда: Узайр

Ҷавоб:

Ва алайкумуссалому ва раҳматуллоҳ. Бародари азиз, ба шикам хобидан хилофи суннати Пайғомбар (с) аст. Ин навъ хобро аз навъи хоби шайтонӣ зикр кардаанд. Номи Рустам дар асл маънои “раҳидам” ва “наҷот ёфтам”-ро ифода мекунад ва маҷозан ба маънои шуҷоъ ва далер меояд. Узайр шакли тасғир (хурдшуда)-и “азр” аст, ки маънои ионат, нусрат, тақвият, манъ ва ғайраро ифода мекунад. Номи Дилноз аз ду калимаи “дил” ва “ноз” таркиб ёфтааст. “Дил” маҷозан ба маънои ёр ва маҳбуба, “ноз” ба маъноҳои болидан, ишваю карашма доштан, истиғно ҷустан ва инчунин ба маънои дарахти сарв меояд. Яъне маҳбубае, ки чун сарв зебо аст ё ишваю карашма дорад ва аз ёри худ истиғно ва бениёзӣ меҷӯяд. Номи Гулноз ҳам аз калимаҳои “гул” ва “ноз” таркиб ёфтааст. Гул маҷозан ба маънои маҳбуба ва “ноз” ба маъноҳои дар боло зикршуда аст. Ин ном дар асл “гули ноз” аст, ки бандаки изофии он афтода, ба шакли “гулноз” даромадааст.   

2017-12-06
163
Саволҳои худро фиристед

Қисмҳо

Вақти намоз дар Душанбе
Бомдод05:54
Пешин13:00
Аср15:10
Шом17:11
Хуфтан18:41