Савол № 01582

Тӯли тахминан шаш сол аст, ки ман ба дарди дил гирифторам, намедонам аз тарс бошад ё аз ғамгинӣ, ки гоҳ-гоҳе меларзад. Чанд сол пеш ба табиб муроҷиат намуда будам, дору навишт ва истифода бурдам, вале сиҳҳат наёфтам.

Савол:

Ассалому алайкум ва раҳматуллоҳи ва баракотуҳу. Тӯли тахминан шаш сол аст, ки ман ба дарди дил гирифторам, намедонам аз тарс бошад ё аз ғамгинӣ, ки гоҳ-гоҳе меларзад. Чанд сол пеш ба табиб муроҷиат намуда будам, дору навишт ва истифода бурдам, вале сиҳҳат наёфтам. Ҳоло фикр кардам ба Шумо муроҷиат намоям, то ки тавсияе диҳед. Шояд аз оятҳои Қуръон тавсия медиҳед.

Саволдиҳанда: Бародар 

Ҷавоб:

Ва алайкумуссалому ва раҳматуллоҳи ва баракотуҳу. Бародари азиз, шумо ҳар шаб қабл аз хоб ва ҳар субҳ қабл аз бомдод сураи “Фотиҳа”, “Оятул-Курсӣ”, сураҳои “Кофирун”, “Ихлос”, “Фалақ” ва “Нос”-ро се бор хонда, ба дастонатон бидамед ва ҳар ду каффи дастро аз болои либосатон ба тамоми бадани худ бимолед ё худро дар назди як нафари мутахассис дуохонӣ кунед, иншоаллоҳ умед аст, ки шифо меёбед. Агар имконият дошта бошед, аз оби Замзам истифода намоед, зеро Расули Худо (с) фармудаанд: “Оби Замзам ба ҳар нияте нӯшида шавад, муассир ва муфид аст”.  Худованд ба шумо шифои комил ва сиҳҳати оҷил ато фармояд.

2017-12-27
3840
Саволҳои худро фиристед

Қисмҳо

Вақти намоз дар Душанбе
Бомдод04:43
Пешин12:40
Аср16:56
Шом18:55
Хуфтан20:25