Савол № 00655
Домуллои азиз, мегуфтед, ки ҳаҷҷи акбар дар кадом вақт рост меояд. Мегӯянд, ки агар рӯзи Арафа рӯзи ҷумъа бошад, ҳаҷҷи акбар аст, оё ин дуруст аст?
Савол:
Ассалому алайкум. Домуллои азиз, мегуфтед, ки ҳаҷҷи акбар дар кадом вақт рост меояд. Мегӯянд, ки агар рӯзи Арафа рӯзи ҷумъа бошад, ҳаҷҷи акбар аст, оё ин дуруст аст?
Саволдиҳанда:Фирдавс.
Ҷавоб:
Ва алайкумуссалом ва баракотуҳу. Бародари азиз, дар баъзе ривоятҳо омадааст, ки агар вуқуфи Арафот ба рӯзи ҷумъа рост ояд, онро ҳаҷҷи акбар меноманд. Зеро он соле, ки Расули Худо (с) ҳаҷ анҷом доданд, вуқуфи Арафот дар рӯзи ҷумъа буд. Ин қавли баъзе уламои Ислом аст, аммо қавли аксари уламо бар ин аст, ки ҳаҷҷи акбар ҳаҷҷи ҳарсоларо гӯянд, ҳаҷҷи асғар бошад, ин умра аст, ҳамин қавл дуруст аст.
2016-10-26
5876
