Асосӣ Хабарҳо АСРОРИ ҲАМКОРИҲОИ ЗЕРИ НИҚОБ

АСРОРИ ҲАМКОРИҲОИ ЗЕРИ НИҚОБ

АСРОРИ ҲАМКОРИҲОИ ЗЕРИ НИҚОБ
2017-11-04
173

Чанде пеш ба дасти банда ҳамчун ходими дин рӯзноме афтод, ки дар он мақолаи донишманди улулми дин Қамар Нурулҳақов зери унвони “Шиагароӣ: идеология ва амалияи он” мунташир буд. Воқеан муаллифи мақола ҳамаи фикрҳои худро бо далелҳои қатъиву раднопазир мустаҳкам кардааст, ки аслан ҷои баҳсу гуфтугӯи зиёд нест. Дуруст аст, ки ҳар давлат ҳақ дорад, бо дарназардошти ақидаву эътиқоди миллати худ қонуну санадҳои дахлдор қабул намояд ва ин ҷои баҳс ҳам нест. Аммо як нуктае, ки дар ин мақола дарҷ шудааст ва таваҷҷуҳи бандаро бештар ба худ ҷалб намуд, ин аст, ки муаллиф менависад: “Дар Эрон кӯшиши экспорт кардани таҷрибаи инқилоби исломӣ ба кишварҳои дигар ба қисми муҳими идеологияи рӯҳоният ва фаъолияти сиёсӣ-амалии он табдил ёфт. Аз ин рӯ, ҳукумат бо 165 ташкилотҳои динӣ-сиёсии Осиё ва 180 ҳамин гуна ташкилотҳо дар Африқо робита ва ҳамкориро ба роҳ монд. Баъзеи онҳо ҳатто ба абзори таблиғотии сиёсати берунии Эрон табдил ёфта буданд, ки ҲНИТ аз ҷумлаи онҳо буд”.

         Бо мутолиаи ин сархат ба зеҳни кас зуд суоле пайдо мегардад, ки агар сиёсати кишвари зикршуда воқеан сиёсати дӯстонаву беғараз бошад, пас чаро ҷумуҳуриҳои алоҳидаро дар шакли расмӣ канор гузошта, бо ташкилотҳои гуногуни самти асосии фаъолияташон барои ҷомеаҳо норушан ҳамкорӣ мекунад?

         Ҳоло итминони комил дорам, ки ин суол ба сари ҳар нафаре, ки ин мақоларо хондааст, меояд. Мардуми Тоҷикистон баъди ҳодисаи 4-уми сентябри соли 2015 чунин намунаи ҳамкориро дар мисоли Ташкилоти террористиву экстремистии ҲНИТ бо Эрон шоҳид гардиданд ва посухи зарурӣ ба ин суолро доранд!

Ашурзода Абдуқуддус,

сархатиби масҷиди ҷомеи марказии ба номи

Ҳазрати Муҳаммади ноҳияи Шамсиддини Шоҳин

Вақти намоз дар Душанбе
Бомдод05:54
Пешин13:00
Аср15:10
Шом17:11
Хуфтан18:41
Суханронии Президент
Паёми табрикотии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати иди Қурбон

Паёми табрикотии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати иди Қурбон

Муфассалтар
Суханронии Раиси
Маркази Исломӣ
Табрикоти Раёсати Шӯрои уламо ба муносибати иди саиди Қурбон

Табрикоти Раёсати Шӯрои уламо ба муносибати иди саиди Қурбон

Муфассалтар