Асосӣ Хабарҳо ПАРТАВИ НЕКОН НАГИРАД ҲАР КӢ БУНЁДАШ БАД АСТ...

ПАРТАВИ НЕКОН НАГИРАД ҲАР КӢ БУНЁДАШ БАД АСТ...

ПАРТАВИ НЕКОН НАГИРАД ҲАР КӢ БУНЁДАШ БАД АСТ...
2018-02-23
1235

Бинобар хабарҳои расида дар ҷамоати Тоҷикободи ноҳияи Вахш чанд нафарро бо гумони ҳамкорӣ бо созмони мамнӯи "Давлати исломӣ” (ДОИШ) дастгир кардаанд.

Аз чунин воқеот бармеояд, ки ҳоло ҳам шахсони бадхоҳи миллат ҳастанд, ки  ба қадри тинҷию оромӣ нарасида, мехоҳанд, ки ниятҳои шуми худро дар кишвари орому осудаи Тоҷикистон пиёда созанд. Ҳол он ки онҳо ҷанги шаҳрвандиро бо чашми худ дида буданд ва оё  ёд надоранд, ки мардуми собиқ совхози Туркманистон дар он давраҳо аз шуми ҷанги шаҳрвандӣ пои пиёда ба давлати ҳамсояи Афғонистон раҳсипор гашта буданд ва дар он сӯи марз чи қадар азобу уқубат кашиданд. Ва оё фаромӯш карданд, ки Пешвои миллат бо талошҳои шабонарӯзӣ ва бо арзиши ҷони худ мардуми ин минтақаро аз ғарибӣ ба Ватан бозгардонд, бо саркардаҳои мухолифини аз ҳамин минтақа, ки мардуми осоиштаро ғарибу бехонаву ҷой карда буданд, сари мизи гуфтушунид нишаста, аз ҳамаи гуноҳҳои онҳо даргузашта, илова бар ин ба онҳо бовар карда, дар сатҳи Ҳукумат вазифаҳои пурмасъулро ба онҳо вогузор карда буд?! Лекин ба ҳама маълум аст, ки ин тоифа дар ивази некӣ ва ғамхориҳои Пешвои миллат чӣ хиёнате анҷом доданд. Мутаассифона носипосии ин тоифа ҳанӯз ба бархе ашхос дарси ибрат нашудааст ва боз мебинем, ки дар ҳамин минтақа аз таърихи 16 то 19 феврал байрақи Давлати золиму хунхори ДОИШ, ки он ҳам бо ранги сиёҳ, ки аз дилу нияти сиёҳу нопоки онҳо гувоҳӣ медиҳад, овезон карданд. Оё онҳо бо ин амалашон чӣ мехоҳанд, оё ин хиёнат ба Ҳукумату миллати тоҷик нест?

        Ин амали анҷомшуда гувоҳи он аст, ки ин тоифа одамон дар ботин тухми киннаву адоват мепарваранд ва мавриди мувофиқ меҷӯянд, ки ба сулҳу суботи ҷомеа рахна ворид кунанд. Аммо дониста бошанд, ки ниҳодҳои қудратии мамлакат ва мардуми бонангу номуси кишвар имрӯз бо ҳидояти Парвардигор ва зери роҳбарии Пешвои миллат қудрати онро доранд, ки пеши роҳи чунин хоинони миллатро гиранд ва нагузоранд, ки амнияти кишвар халалдор гардад.

Раёсати Маркази исломии Ҷумҳурии Тоҷикистон

Вақти намоз дар Душанбе
Бомдод04:42
Пешин13:00
Аср16:37
Шом18:35
Хуфтан20:05
Суханронии Президент
Паёми телевизионӣ ба муносибати Иди саиди Қурбон

Паёми телевизионӣ ба муносибати Иди саиди Қурбон

Муфассалтар
Суханронии Раиси
Маркази Исломӣ
Табрикоти Раиси Шўрои уламои Маркази исломии ҷумҳурии Тоҷикистон ба муносибати иди саиди қурбон

Табрикоти Раиси Шўрои уламои Маркази исломии ҷумҳурии Тоҷикистон ба муносибати иди саиди қурбон

Муфассалтар