Масҷиди ба номи ҳазрати Билол (р) соли 1990 бунёд шудааст. Масҷиди мазкур то соли 2013 ҳамчун масҷиди панҷвақта амал мекард ва инак муддати ду сол аст, ки ҳамчун масҷиди ҷомеъ фаъолият карда истодааст. Азнавсозии масҷид соли 2011 шуруъ гардида, соли 2013 пурра ба анҷом расид. Масҷид аз чор ошёна иборат буда, дорои як гунбаз, як манора ва се даромадгоҳ мебошад. Тарҳи бинои масҷид ҷолибу диданӣ ва мутобиқ ба стандарти ҷаҳонист. Қисмати дохилии гунбази он ҳаштгӯша буда, ҳашт сутуни гачкоришуда дорад ва сақфи он бо нақшу нигори зебои миллӣ ороиш дода шудааст. Ба таври умум, дохили масҷид бо ҳунари гачкорию наққошӣ зебу оро ёфта, диққати ҳар бинандаро ба худ ҷалб мекунад.