Саидмукаррам  Абдуқодирзода

Раиси Шӯрои уламои Маркази исломии Ҷумҳурии Тоҷикистон

Саидмукаррам Абдуқодирзода

Саидмукаррам  Абдуқодирзода - Раиси Шӯрои уламои

Маркази исломии Ҷумҳурии Тоҷикистон

 

 

Саидмукаррам  Абдуқодирзода шахсияти барҷастаи фарҳангӣ, яке аз чеҳраҳои маъруфи дину мазҳаб, ходими фаъоли ҷамъиятӣ ба шумор меравад. Мавсуф соли 1963 дар ноҳияи  Темурмалики вилояти Хатлон (собиқ ноҳияи Совет) дар оилаи рӯҳонии машҳур - домулло Абдулқодир ба дунё омада, маълумоти ибтидоии динӣ ва ҳифзи кулли Қуръони каримро дар зодгоҳаш гирифтааст. Аз соли 1995 то соли 2000-ум дар Донишгоҳи байналмилалии исломии шаҳри Исломободи Покистон таҳсили илм кардааст. Солҳои 2000-2003 донишҷӯи бахши аспирантураи Донишгоҳи байналмилалии исломии Исломободи Покистон буд. Солҳои 2003-2004 дар Донишгоҳи исломии Тоҷикистон ба номи Имом Тирмизӣ ба фаъолияти мударрисӣ машғулият дошт.

         Солҳои 2004-2005 роҳбари бахши тайёрии Донишгоҳи исломии Тоҷикистон ба номи Имом Тирмизӣ буд. Аз моҳи апрели соли 2005 то моҳи августи соли 2008 дар вазифаи ноиби ректор оид ба таълим ва тарбияи Донишкадаи исломии Тоҷикистон фаъолият намуда, ҳамзамон факултаи журналистикаи Донишгоҳи миллии Тоҷикистонро хатм кардааст. Соли 2007 ба магистратураи Донишгоҳи миллии Тоҷикистон дохил шуда, соли 2008 онро ба поён мерасонад.

Соли 2008 ба аспирантураи Донишгоҳи миллии Тоҷикистон дохил шуда, онро бомуваффақият хатм намуд. Аз 24-уми июли соли 2008 то моҳи майи соли 2010 дар вазифаи мудири бахши кор бо ташкилотҳои динии Раёсати танзими анъана ва ҷашну маросимҳои Дастгоҳи иҷроияи Президенти Ҷумҳурии Тоҷикистон фаъолият дошт. Баъдан то 1-уми августи соли 2010 дар Кумита оид ба корҳои дини назди Ҳукумати Ҷумҳурии Тоҷикистон ба ҳайси сардори Раёсати иттиҳодияҳои динӣ ифои вазифа кардааст. Солҳои 2004-2008 дар садову симои ҷумҳурӣ барномаҳои хоси марбут ба маърифати динӣ манзури мардум мекард. Аз моҳи октябри соли 2010 инҷониб дар вазифаи  Раиси Маркази исломӣ ва Раиси ШӮрои уламои  Ҷумҳурии Тоҷикистон фаъолият менамояд.

         Хидмати мавсуф дар баланд бардоштани маърифати динӣ ва маънавиёти мардум тавассути васоити гуногуни ахбори омма ва интишори мақолаву китобҳои илмию оммавӣ арзанда аст.

ТӮли солҳои 2003-2014 беш аз 60 мақолаи хурду бузурги мавсуф оид ба фазои диндорӣ дар Тоҷикистон ва роҳҳои бартараф намудани монеаҳои он, ташаккули ҷаҳонбинии динии мардум, баррасии муаммоҳои ифротгароиву хурофот ва дигар масоили муҳим дар матбуот чоп шуда, зиёда аз 100 барномаҳою мусоҳибаҳояш дар мавзӯъҳои мухталифи дину мазҳаб ва панду ахлоқ дар радиову телевизион ба мардум пешниҳод шудаанд.

Саидмукаррам Абдуқодирзода соли 2012 дар мавзӯи «Арзиши адабии «Чаҳор мақола»-и Низомии Арӯзии Самарқандӣ» баҳри дарёфти дараҷаи илмии номзади улуми филологӣ рисолаи арзишманди илмиро ҳимоя намудааст.

Бо чандин мукофот ва ифтихорномаҳои давлатӣ сарфароз гаштааст. Номзади улуми филологӣ, оиладор ва соҳиби 7 фарзанд аст.

آخرون

Ҳусайн Мўсозода
Ҳусайн Мўсозода

Муовини Раиси Шўрои уламои Маркази исломии Ҷумҳурии Тоҷикистон

Абдулбасир Саидзода
Абдулбасир Саидзода

Муовини аввали Раиси Шӯрои уламои Маркази исломии Ҷумҳурии Тоҷикистон

Ҷамолиддин Хомӯшов
Ҷамолиддин Хомӯшов

Узви Шӯрои уламои Маркази исломии Ҷумҳурии Тоҷикистон

Ҳикматуллоҳ Сиҷоатзода
Ҳикматуллоҳ Сиҷоатзода

Узви Шӯрои уламои Маркази исломии Ҷумҳурии Тоҷикистон

وقت الصلاة في طاجيكستان

17.12.2017

أكثر
الفجر05:54
الظهر13:00
العصر15:09
المغرب17:10
العشاء18:40
خطاب رئيس جمهورية طاجيكستان
Паёми табрикотии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати иди Қурбон

Паёми табрикотии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати иди Қурбон

أكثر
خطاب رئيس المركز الإسلامي
Табрикоти Раёсати Шӯрои уламо ба муносибати иди саиди Қурбон

Табрикоти Раёсати Шӯрои уламо ба муносибати иди саиди Қурбон

أكثر