Ободонии ҷомеа мароми ҳар яки мо аст

Саъйу талош кардан баҳри ободонии ҷомеа ва таъмини зиндагии саодатмандона барои ҳар фарди мусулмон ҳатмӣ ва зарураст. Чунки дунё киштзоре барои ҷаҳони охират аст ва ҳадафи мусулмон аз кору пайкораш дар ин дунё касби рӯзии ҳалол, эҳсону некӣ кардан ба афроди ҷомеа ва ободии кишвару ватан аст. Рӯзҳои истироҳатӣ чун дигар шаҳрвандони пойтахти азизамон шаҳри Душанбе кормандони Маркази исломӣ низ барои тозаву озода намудани гирду атрофи масҷиди ҷомеи марказӣ ба ҳашари умумӣ баромаданд. Кормандони Марказ бо як дилгармии самимї бехи дарахтонро нарм карда, дар замини назди масљид дарахтони мевадор шинонданд ва саҳни масҷиду атрофи онро тозаву озода намуданд. Аҳли Марказ ният доранд, ки дар рўзњои бањорї ба хотири боз ҳамтозаву зеботар шудани пойтахти кишвари азизамон шаҳри Душанбе ва симои масҷиди марказӣ саҳми худро гузоранд.