Аз пули дар қарз додашуда закот дода мешавад?

Ассалому алайкум. Бародари азиз, агар инсони қарздор эътироф намояд, ки ман қарздор ҳастам ва онро пардохт менамоям, дар ин сурат ба иттифоқи фуқаҳо аз ин мол закот додан воҷиб мешавад ва назди Абӯҳанифа (р) пас аз баргардонидани қарз адои закоти солҳои гузашта воҷиб мегардад. Агар қарздор нодор ё мункири қарз бошад ва ё адои қарзро ба ҳар баҳона кашола диҳад, пас дар ин се сурат закот воҷиб намегардад, аммо агар дар ин се сурат мол пардохт шавад, закот фақат барои як сол адо карда мешавад ва дар солҳои гузашта ин мол ҳукми моли ғасбшуда ва гумшударо дорад. («Нурул-изоҳ», с.156)