Лутфан дар бораи фазилатҳои рӯзи ҷумъа сухан мегуфтед. Дар ин рӯз кадом вақт дуо кардан беҳтар аст?

Ва алайкумуссалому ва раҳматуллоҳ. Бародари азиз, дар ҳадис омадааст, ки рӯзи ҷумъа зиёда аз панҷоҳ фазилат дорад. Аз ҷумла: рӯзи иҷобати дуоҳо аст, ҳазрати Одам (а) дар ҳамин рӯз офарида шуд, дар ин рӯз ба замин фуруд омад ва дуояш мустаҷоб шуд, қиёмат дар ҳамин рӯз барпо хоҳад шуд, ин рӯз рӯзи ҳаҷҷи фақирон ва мискинон аст. Лаҳзаи иҷобати дуо дар рӯзи ҷумъа ҳангоми баромадани имом ба минбар ва хондани хутба аст. (“Субҳун-нурӣ”, ҷ. 1, с. 248-249; “Сунан”-и Тирмизӣ, с. 490; “Сунан”-и Ибни Моҷа, с. 1137)