مسألة № 01312
Миқдори пуле, ки дар назди худ дорам, соли гузашта закоти онро додам. Фаҳмидан мехоҳам, ки имсол ҳам аз ин маблағ, ки истифода нашудааст, закот додан зарур аст.
مسألة:
Ассалому алайкум. Ду суол дорам: 1. Миқдори пуле, ки дар назди худ дорам, соли гузашта закоти онро додам. Фаҳмидан мехоҳам, ки имсол ҳам аз ин маблағ, ки истифода нашудааст, закот додан зарур аст. 2. Маънои номи Абдулло чист? дарусташ Абдулло аст ё ин ки Абдуллоҳ. Қаблан изҳори ташаккур менамоям. Дар охир дар ҳаққи гузаштагонамон дуо намоед.
Саволдиҳанда: Искандарзода
إجابة:
Ва алайкумуссалому ва раҳматуллоҳ. 1. Бародари азиз, тибқи қарори Шӯрои уламо миқдори нисоби закот имсол ба 22950 сомонӣ баробар аст, ки аз он 575 сомонӣ пардохта мешавад. Агар маблағи дар дасти шумо буда миқдори мазкурро ташкил диҳад, пардохти закоти он воҷиб мешавад. (“Мухтасарул-виқоя”, с. 30-31) 2. Тарзи дурусти ин ном Абдуллоҳ аст, ки маънояш бандаи Худо мебошад.
