Вақте ба намози ҷамоат рафтем, имом се ракъати намозро гузоридааст, пас аз саломи имом ин се ракъатро чигуна бихонем?

Ва алайкумуссалому ва раҳматуллоҳ. 1. Бародари азиз, агар се ракъати намози фарзро дарнаёфтед, баъд аз гузоридани ракъати чаҳорум ҳамроҳи имом ва салом додани ӯ бархоста ду ракъат бо замми сура хонда, менишинед ва “Аттаҳийёт” мехонед, сипас як ракъати дигар бе замми сура гузорида, менишинед ва “Аттаҳийёт”, салавот ва дуои “Аллоҳуммағфир лӣ” мехонед ва салом дода, намозро ба поён мерасонед. Яъне шумо се ракъати масбуқонаро ба монанди намози шом мегузоред. 2. Шумо ихтиёр доред, аввал чаҳор ракъат суннат гузоред ё ду ракъат, ҳар ду сурат ҷоиз аст.