Агар шавҳар ба зан гӯяд, ки “рав зиндагиатро пеш бар, шавҳар кун, ман ба ту иҷозат медиҳам”, оё дар ин ҳолат талоқ воқеъ мегардад ва чанд талоқ ҳисоб мешавад?

Ва алайкумуссалому ва раҳматуллоҳ. Бародари азиз, агар ин сухан дар ҳолати гуфтугӯи талоқ гуфта шавад ва ё мақсуди шавҳар аз ин сухан талоқ бошад, пас як талоқи боин воқеъ мешавад ва таҷдиди никоҳ лозим мегардад. Аз сабаби он ки масъалаи талоқ паҳлуҳои печида ва тафсилталаб дорад, беҳтар аст, ки дар сурати имкон ба Раёсати фатво муроҷиат кунед.