Агар мард ба ҳамсараш “ба ту ҷавоб” ё “ту озодӣ” гӯяд, талоқ ҳисоб мешавад? Агар мард оилаи дуюм барпо карда, оилаашро таъмин накунад, дар шаш-ҳафт моҳ як бор назди фарзандонаш ояд, дуруст аст? Зан аз ин гуна шавҳар чӣ тавр метавонад озод шавад?

Ассалому алайкум ва раҳматуллоҳ. Хоҳари азиз, дар сурати мазкур агар ҳолати музокара ва гуфтугӯи талоқ набошад, пас нияти шавҳар ба назар гирифта мешавад. Агар шавҳар нафақаи зану фарзандашро надод, ҳамсараш талоқ намешавад, вале бо ин амали зишти худ гунаҳгор мешавад. Зиндагӣ аз ҷониби мард ё зан маҷбурӣ нест, ё ба хубию шодӣ зиндагӣ мекунанд ё ба ризоят ва маслиҳат ҷудо мешаванд. Ин тавсияи Қуръон аст.