مسألة № 02062
Ман бо марде ба шавҳар баромадам ва бо ў як сол зиндагӣ кардам. Ҳоло ду сол мешавад, ки дар Русия кор мекунам. Бо ин мард дигар зиндагӣ кардан намехоҳам. Аз ў ҷавобамро пурсидам, аммо ў ҷавоб додан намехоҳад. Ў ғайр аз ман боз зану фарзанд дорад. Ман аз шавҳари пешинам се фарзанд дорам ва худам онҳоро ба воя расондам.
مسألة:
Ассалому алайкум. Ман бо марде ба шавҳар баромадам ва бо ў як сол зиндагӣ кардам. Ҳоло ду сол мешавад, ки дар Русия кор мекунам. Бо ин мард дигар зиндагӣ кардан намехоҳам. Аз ў ҷавобамро пурсидам, аммо ў ҷавоб додан намехоҳад. Ў ғайр аз ман боз зану фарзанд дорад. Ман аз шавҳари пешинам се фарзанд дорам ва худам онҳоро ба воя расондам. Падари фарзандонам дар хурдсолияшон моро партофта рафт. Ман чӣ бояд кунам.
Саволдиҳанда: Шаҳло
إجابة:
Ва алайкумуссалому ва раҳматуллоҳ. Хоҳари азиз, шумо кўшиш кунед, ки бо шавҳаратон зинагӣ кунед ва оилаатонро вайрон накунед. Вале агар зиндагии якҷояи шумо имконнопазир бошад, дар ин сурат, метавонед бо шавҳаратон хулъ кунед, яъне ҳамон миқдор маблағеро, ки дар маҳрияи шумо дода буд, ба ў диҳед ва талоқатонро бигиред.
