Як дўсти ман бо духтаре пешакӣ никоҳ карда буданд, вале волидайни духтар аз ин огоҳ нестанд. Ин дўсти ман ба волидони духтар писанд нест, аз ин рў, барои додани духтарашон розӣ нестанд, духтарашонро ба дигар кас додан мехоҳанд. Агар дўсти ман ҷавоби он духтарро диҳад, гунаҳгор намешавад?

Ва алайкумуссалому ва раҳматуллоҳ. Бародари азиз, дўсти шумо кори хато кардааст, ки бидуни ризояти волидайни духтар бо ў издивоҷ намудааст. Дар сурати талоқ додани духтар идда бар ў лозим мегардад, яъне муддати се ҳайз бояд интизор бикашад, сипас бо фарде, ки волидонаш мехоҳанд, издивоҷ кунад. Беҳтар он аст, ки ин дўсти шумо бо равиши нарму оқилона волидони духтарро аз ҳақиқати воқеа огоҳ кунад.