Агар шахс ба сабаби беморӣ рўза гирифта натавонад, оё метавонад, ки закоташро пас аз моҳи Рамазон пардохт кунад?

Ва алайкумуссалому ва раҳматуллоҳ. Бародари азиз, закот ибодати алоҳида аст ва ба рўза вобастагӣ надорад. Агар шахсе дар кадом моҳе соҳиби 32300 сомонӣ шуд ва аз он моҳ як сол гузашт, бояд закоташро пардохт кунад. Агар мақсади шумо аз ин сухан фидяи рўза бошад, пас дар ин сурат беморони дармоннопазир ва пирони солхўрда, ки тавони рўзаро надоранд, метавонанд, ки фидяи рўзаро дар моҳи Рамазон ё пас аз он адо кунанд.