Бо куртаи остинкалта намоз хондан ҷоиз аст ё на? Дар бораи либос маълумот медодед, ки намозгузор бо чигуна либос намозро хонад.

Албатта бо куртаи остинкалта намоз адо мешавад, лекин бояд дар либоси намозгузор як навъ тавозуъ ва фурӯтанӣ дида шавад, ҳамчунон ки дар назди подшоҳони дунё бо куртаи остинкалта мардум намераванд, пас Худованд сазовортар аст, ки банда дар пешгоҳи ӯ бо либосе намоз гузорад, ки тавозуъ ва фурӯтании ӯро нишон диҳад. Ногуфта намонад, ки либоси намозгузор бояд тавре бошад, ки аъзо ва андомҳои ӯро комилан бипӯшонад ва аз ҳад зиёд танг набошад, чунки бо ин гуна либос намоз гузоридан макруҳ аст.