Истифода бурдани марҳам ё кремҳои доругӣ рӯзаро мешиканад?

Ассалому алайкум ва раҳматуллоҳи ва баракотуҳӯ. Агар рӯзадор дар бадани худ аз равған, марҳам ва крем истифода барад, рӯзааш намешиканад, агарчи ашёи мазкур ба ҷавф (дарун)-и ӯ бирасад, зеро доруе, ки тавассути сӯрохиҳои пуст ба ҷавф мерасад, дар шикастани рӯза таъсире надорад. Бинобарин Мулло Алии Қорӣ дар «Фатҳу боб-ил-иноя» ҷ.1, саҳ 169 навиштаанд: «Агар рӯзадор бар бадани худ равған молад ва асари онро дар пешобаш бинад, рӯзаи худро қазо намедорад».