Ман модари як фарзанд ҳастам. Ман ду сол пеш оиладор шудам, дар хона чор қайсингул ва хусуру хушдоманам буд, онҳо бо ман хеле бадрафторӣ менамуданд...

Ассалому алайкум. Ман модари як фарзанд ҳастам. Ман ду сол пеш оиладор шудам, дар хона чор қайсингул ва хусуру хушдоманам буд, онҳо бо ман хеле бадрафторӣ менамуданд. Шояд ба баъзе суханҳои ман бовар накунед, лекин алҳамду лиллоҳ ман рост мегӯям. Хушдоманам шавҳарамро дуои бад мекарданд, маро доим дар наздаш танқид менамуданд. Суханҳое мегуфтанд, ки ман ба шумо онро наметавонам нависам. Ман шавҳарамро илтиҷо менамудам, ки ба падару модараш гап нагардонад ва сухани бад нагӯяд. Шавҳарам бо дигар кас оиладор шуд ва инро волидайнаш фаҳмиданд. Ба ҳамаи ин нигоҳ накарда, боз бо ман бадрафторӣ мекарданд. Ман аз зиндагӣ дилхун шудам ва ба хонаи волидонам омадам. Шавҳарам бошад маро се талоқ гуфт. Пас аз як моҳ шавҳарам омада бахшиш пурсида мегӯяд, ки ба ман шумо даркоред, ман дар вақти ҷавоби туро додан май нӯшида будам, ман ривоят меёбам, биё боз никоҳ карда, хона ба иҷора гирифта, якҷоя зиндаги кунем. Хусуру хушдоманам омада мегӯянд, ки биё ба хона равед. Ман намедонам чӣ кор кунам, мегӯянд, ки меваи сабр ширин аст, ду сол тоқат кардам, аммо ҳеҷ шириниашро надидам. Ман чӣ кор кунам? Илтимос, ба ман маслиҳат диҳед, ҳамаи суханҳои дар боло гуфта ҳақиқат аст. Илтимос, ба саволи ман ҷавоб гардонед, аз шумо илтиҷо мекунам. 

Саволдиҳанда:Мадина.