Агар дар ҳолати ғазаб ба зан се талоқ гӯӣ, чӣ роҳҳои барқарор кардани оила вуҷуд дорад? Хоҳишмандам роҳҳои дурусташро фаҳмонед. Аз сари нав никоҳ карда мешавад ё на?

Ва алайкумуссалому ва раҳматуллоҳ. Бародари азиз, аз дидгоҳи чор мазҳаби аҳли суннат ва ҷамоат бо гуфтани “се талоқ” бо як лафз се талоқ воқеъ мегардад. Дар китобҳои фиқҳӣ оиди масъалаи талоқ суратҳои зиёде зикр шудааст, ки ҳар яке ҳукми хос дорад. Аз сабаби он ки мавзӯи талоқ паҳлуҳои гуногун ва печида дорад, аз ин рӯ, беҳтар аст, ки барои тафсили бештар пайдо кардан ба Раёсати фатво муроҷиат мекардед.