Ман духтареро аз хешовандони худ дӯст медорам, аммо аз касони дигар дар бораи ӯ суханҳои нохӯше шунидам. Бо вуҷуди он ба ӯ боварӣ дорам. Боре яке аз хешовандам ба ман гуфтанд, ки ман бо ӯ тавассути телефон суҳбат мекардам, аммо...

Ассалому алайкум ва раҳматуллоҳи ва баракотуҳу. Бародари азиз! Аввал он ки дар мавриди духтаре ки дӯсташ медорӣ, ба ҳарфи касе эътимод накун, то замоне ки бо чашми сар саҳнаро мушоҳида накунӣ ё аз ҳақиқати он ба хубӣ огоҳ нашавӣ. Зеро Худованди (а) фармудааст:

    “Агар фосиқе хабареро ба шумо оварад, онро хуб таҳқиқ кунед!”

       Дуюм он ки маънои дӯст доштани духтаре ин нест, ки бо ӯ хилват кунӣ ва бо телефон суханҳои бемаврид гӯӣ, Зеро хилватнишинӣ ва суханҳои номаҳрамона ба ҷуз воқеъаи ногувор ҳеҷ натиҷае ба бор намеоварад. Ин масъала аз таҷрибаи бисёре аз ҷавонон собит шудааст. Бинобар ин аз суҳбат намудан парҳез кун, то ба мусибате гирифтор нашавед.

       Сеюм он ки агар дар ҳақиқат шумо ҳамдигарро дӯст медоред, бо роҳи ҳалол оила бунёд кунед, то азҳарому ҳараҷ ва маломати мардум раҳоӣ ёбед, то ин ки зиндагӣ ва хонаат бо баракат шавад.