РАИСИ ШЎРОИ УЛАМОИ ТОҶИКИСТОН САИДМУКАРРАМ АБДУҚОДИРЗОДА ДАР ҶУМҲУРИИ ҚАЗОҚИСТОН БО МЕДАЛИ ФАХРӢ САРФАРОЗ ГАРДОНИДА ШУД

Раиси Шўрои уламои Маркази исломии Тоҷикистон Саидмукаррам Абдуқодирзода медали фахрии Анҷумани раҳбарони динҳои ҷаҳонӣ ва суннатиро дарёфт кард. Ҷоиза бо фармони Президенти Ҷумҳурии Қазоқистон муҳтарам Қосим-Жомарт Тоқаев дар маросиме, ки дар ҷараёни баргузории Анҷумани VIII пешвоёни динҳои ҷаҳонӣ ва суннатӣ баргузор гардид, супурда шуд. Ёдовар мешавем, ки Раиси Шурои уламои Тоҷикистон Саидмукаррам Абдуқодирзода дар Анҷумани VIII пешвоёни динҳои ҷаҳонӣ ва суннатӣ, ки рӯзи 17 сентябр дар шаҳри Остона таҳти раёсати Президенти Ҷумҳурии Қазоқистон ифтитоҳ ёфт, ширкат дорад. Дар ин ҳамоиш беш аз 700 намоянда аз 60 кишвари ҷаҳон, аз ҷумла намояндагони тамоми динҳои ҷаҳонӣ ва созмонҳои байналмилалӣ ширкат доранд.