الصفحة الرئيسية الأخبار Шӯрои уламои Маркази исломӣ рӯзи иди саиди Рамазонро муайян кард

Шӯрои уламои Маркази исломӣ рӯзи иди саиди Рамазонро муайян кард

Шӯрои уламои Маркази исломӣ рӯзи иди саиди Рамазонро муайян кард
2017-06-22
7939

Имрӯз соати 10.00 дар Маркази исломии Ҷумҳурии Тоҷикистон ҷаласаи навбатии Шӯрои уламо баргузор гардид.

Нахуст дар назди уламои кишвар, раиси Шӯрои уламои Маркази исломӣ Саидмукаррам Абдуқодирзода суханронӣ намуда, аҳли нишастро ба муносибати фарорасии иди саиди Рамазон ва ҷашни 20-солагии Ваҳдати миллӣ табрику таҳният гуфт. Сипас Раиси Маркази исломӣ ҳозиринро бо рӯзномаи маҷлис ошно намуда, қайд намуд, ки мувофиқи ҳисобҳои илмӣ имсол иди саиди Рамазон дар кишвар ба рӯзи 26-уми июн рост меояд. Пас аз муҳокима ва баррасии масъалаҳои рӯзномаи маҷлис аъзои Шӯрои уламо чунин қарор карданд:  

  1. Иди саиди Рамазон дар кишварамон рӯзи 26-уми июни соли 2017 муайян карда шавад.
  2. Намози ид дар тамоми масоҷиди ҷумҳурӣ соати 06.00 баргузор карда шавад.  

Дар анҷоми маҷлис раиси Маркази исломии Тоҷикистон Саидмукаррам Абдуқодирзода аз имомхатибон талаб кард, ки дар мавъизаҳояшон роҷеъ ба неъмати бебаҳои сулҳу оромӣ, пешгирии исрофкориҳо дар рӯзҳои ид суханронӣ намуда, дар дастгирии ятимону пиронсолон ва табақаи ниёзманди ҷомеа, рушду шукуфоии кишвари азиз саҳми худро гузоранд.

Маҷлис бо дуои хайри аҳли нишаст дар ҳаққи Пешвои миллат ва мардуми кишвар ҳусни анҷом пазируфт.

وقت الصلاة في طاجيكستان

19.03.2025

أكثر
الفجر04:57
الظهر12:40
العصر16:46
المغرب18:45
العشاء20:15
خطاب رئيس جمهورية طاجيكستان
Паёми шодбошӣ ба муносибати фарорасии моҳи шарифи Рамазон

Паёми шодбошӣ ба муносибати фарорасии моҳи шарифи Рамазон

أكثر
خطاب رئيس المركز الإسلامي
МАТНИ ТАБРИКОТИИ ШЎРОИ УЛАМОИ ҶУМҲУРИИ ТОҶИКИСТОН БА МАРДУМИ ШАРИФИ КИШВАР БА МУНОСИБАТИ ФАРОРАСИИ МОҲИ ШАРИФИ РАМАЗОН

МАТНИ ТАБРИКОТИИ ШЎРОИ УЛАМОИ ҶУМҲУРИИ ТОҶИКИСТОН БА МАРДУМИ ШАРИФИ КИШВАР БА МУНОСИБАТИ ФАРОРАСИИ МОҲИ ШАРИФИ РАМАЗОН

أكثر