ИФШОИ КАМБУДӢ АЗ ҒАРАЗИ ШАХСӢ ФАРҚ МЕКУНАД!

Имрӯз роҳбарони ҷараёни ифротие бо номи “ПМТ” худро ғамхори ватану мардум ва ҳамсоя нишон дода, аммо ба ғайри дурӯғ, иғвоангезӣ ва эҷоди тафриқаву низоъ ва душманӣ дигар амале аз намеояд. Бо таваҷҷуҳ ба ин роҳбарони бемағзи наҳзатӣ гуфтаниам, ки аз он ки ту хукумати Тоҷикистонро аз беаҳамиятӣ нисбат ба бемории сироятии коронавирус, ки имрӯз, ҷаҳонро ба ташвиш овардааст, ҳарф мезанӣ, ҳол онки хушбахтона ин вабо ба Тоҷикистон наомадаст. Бар замми ин Ҳукумати Тоҷикистон тамоми чораҳои эҳтиётиро дида истодааст, аз он ҷумла дар тамоми гузаргоҳҳои сарҳадӣ мутахассисон бо таҷҳизотҳои муайян намудани ин беморӣ муҷаҳҳаз ҳастанд ва ҳар нафаре, ки аз хориҷ ба Тоҷикистон меояд, онро ҷиддӣ аз муоинаи тиббӣ мегузаронанд ва илова бар ин ба 14 рӯзи карантинӣ дар ҷойҳои махсус нигоҳ дошта мешаванд. Шумо, ки аз  вирус ҳам бадтаред,  бо ғаразҳои шахсии манфуратон ба ин ҳама эҳтиётгирии Ҳукумат ва ғамхорӣ нисбат ба мардумро нодида мегиред. Илова бар ин, аз хурсандиҳое, ки мардуми шарифи Тоҷикистон дар ин рӯзҳои баҳорӣ карда истодаанд, ба ғазаб омадаед, чунки дар ниҳоди Шумо душманони миллат ҳеҷ вақт хайрхоҳӣ нисбат ба мардуми Тоҷикситон набуду нест. Ба гуфти раиси ТЭТ ҲНИ мардум ба ҳукумат бовар ва умед надоранд, аммо Кабирӣ ту дониста бош, ки мардуми шарифи тоҷик ба Ҳукумату Пешвои миллат содиқанд ва дар атрофи ин сиёсати сулҳҷуёнаи Пешвои миллат сарҷамъ шуда ва намегузоранд, ки ту барин хоинони миллат ин ваҳдату якпорчагии миллатро рахна кунӣ!!!

Абдумалик Шарифӣ