Пас аз мурдани одам бисёр гиряву нола кардани хешовандон ба одами фавтида чӣ таъсире дорад? Баъзе одамон мегӯянд, ки азобаш медиҳанд, бархе дигар мегӯянд, ки таги кафанаш тар мешавад.

Ва алайкумуссалому ва раҳматуллоҳ. Бародари азиз, аз дидгоҳи фиқҳи ҳанафӣ гиря кардан болои майит бо садои паст дуруст аст, аммо гиря бо овози баланд ва мӯй кандану чеҳра харошидан ва суханони носипосомез гуфтан мамнуъ аст. Ба сабаби гиряи аҳли хонадон майитро азоб намекунанд, агар аҳли хонаводаашро ба доду фиғон кардан пас аз маргаш васият накарда бошад. Тар шудан таги кафани майит сухани беҳуда аст ва асоси шаръӣ надорад.