Оё намози онҳое, ки илми таҷвид ва тарзи дурусти талаффузи ҳарфҳоро намедонанд, инчунин имомати онҳо дуруст аст ё на?

Ва алайкумуссалому ва раҳматуллоҳ. Бародари азиз, риоя кардани қоидаҳои таҷвид дар қироат амри ҳатмӣ аст ва ҳар намозгузоре бояд ба андозаи тавон ва имконияти худ дар омӯхтани таҷвид саъйу кӯшиш намояд, агар бепарвоӣ кунад, гунаҳгор мешавад. Касе, ки қироати бо таҷвид надорад, агар ҳарфҳоро тавре талаффуз кунад, ки дар маъно халал ворид шавад, имомати ӯ барои касоне, ки қироати бо таҷвид доранд, дуруст намегардад. Аммо намози оммаи мардум бо вуҷуди надонистани таҷвид дуруст аст.