Ҳангоми зарурат намозро барвақттар хондан мумкин аст, то ки қазо нашавад? Масалан, имрўз соати 16:30 дарс дорам ва то соати 20:00 давом мекунад. Чӣ бояд кард, то аз савоб ва раҳмати Худо маҳрум нашавам?

Ва алайкумуссалому ва раҳматуллоҳ. Бародари азиз, гузоридани намоз дар вақташ фарз аст, зеро Худованд мефармояд: “Ба дурустӣ ки намоз бар мўъминон фарзи вақти муайянкардашуда аст”.(Сураи “Нисо”, ояти 103). Аз ин рў, пеш аз даромадани вақт гузоридани намоз дуруст нест. Шумо саъй кунед, ки ҳар намозро дар вақти муайяни он гузоред, агар имкон пайдо нашуд, албатта қазои онро ба ҷо оваред.