Духтари ман дусола аст ва гирифтори сулфа шудааст, аз ин сабаб хоб рафта наметавонад. Оё ба ў равғани хук додан раво аст? Дар ҳаққи фарзандам дуо кунед, ки сиҳҳат шавад. Аз Шумо миннатдорам.

Ва алайкумуссалому ва раҳматуллоҳ. Хоҳари азиз, равғани хук ҳаром аст, аз ин рў, истеъмоли он барои хурду бузург манъ ва гуноҳ аст. Вале агар табиби ҳозиқи мусулмон дармони он бемориро бо ашёи ҳаром тавсия диҳад ва дигар давоҳо нафъ набахшад, дар ин сурат бо тавсияи ў истеъмоли он ҷоиз аст. Худованд ба фарзанди шумо шифои комилу сиҳҳати оҷил ато фармояд.