Закотро асосан дар кадом моҳ месупоранд? Ё ки дар дилхоҳ моҳ супорида мешавад?

Ва алайкумуссалому ва раҳматуллоҳи ва баракотуҳу. Бародари азиз, адои закот аз замони ба нисоб расидани мол вобаста аст, яъне дар кадом моҳе моли шумо ба нисоб расад, аз ҳамон вақт вуҷуби закот шуруъ мешавад ва пас аз гузаштани як сол пардохти закот воҷиб мегардад. Масалан, агар дар моҳи март моли шумо ба нисоб расид, пас аз гузашти як соли қамарӣ бар шумо адои закот воҷиб мешавад. Албатта дар моҳи Рамазон адо кардани закот савоби зиёд дорад.