Оё Худованд умри инсонро муқаррар кардааст, ки чанд сол зиндагӣ мекунад? Агар муқаррар бошад, пас зино умрро чӣ гуна кўтоҳ мекунад? Масалан, агар Худованд ба касе панҷоҳ сол умр дода бошад ва ў ба зино машғул шавад, умри ў кам мешавад ё ки панҷоҳ сол зиндагӣ мекунад?

Ва алайкумуссалому ва раҳматуллоҳ. Бародари азиз, Худованд андозаи умри ҳар инсонеро муқаррар кардааст, ки аз он заррае каму зиёд намешавад. Агар касе зино кунад, баракат аз умри ў меравад, яъне ба ҳамон андозаи муқарраршуда умр мебинад, вале зиндагияш саросар талх мегузарад, дар касбу кораш шикасту нокомӣ мебинад ва ҳосили умраш ба ҷуз гуноҳу маъсият на хайру некие мемонад, на аҷру савобе.