Якчанд рӯз шуд, ки ба духтаре дил додаам, ҳамин қадар кӯшиш мекунам, ӯро партофта наметавонам. Аз Шумо хоҳиш мекунам, ки ояте ё ҳадисе ва ё панде диҳед, то ки баргардам. Қуръон мехонам, вале дармондаам.

Ва алайкумуссалому ва раҳматуллоҳ. Бародари азиз, шумо ҳар рӯз зикри “Ло ҳавла ва ло қуввата илло биллоҳил-Алиййил-Азим”-ро сад бор бигӯед, “Оятул-Курсӣ ва сураҳои “Кофирун”, “Ихлос”, “Фалақ” ва “Нос”-ро ҳар саҳару бегоҳ вазифа карда бисёр хонед, иншоаллоҳ аз ин дард халос мешавед. Илова бар ин, ҳар рӯз бо ихлоси комил сад бор “Астағфируллоҳ” гӯед, иншоаллоҳ мушкилатон бартараф мешавад.