Аҷру савобҳое, ки дар китобҳои “Дурратул-воизин”, “Зубдатул-воизин”, “Далелул-воизин” ва ғайра қайд шудаанд, то кадом сатҳ саҳеҳ ҳастанд? Нигоҳи мазҳаби мо нисбати ин китобҳо чӣ гуна аст?

Ва алайкумуссалому ва раҳматуллоҳи ва баракотуҳу. Бародари азиз, муҳтавои китобҳои мазкур агарчи баъзе муболиғаҳо ҳам шояд дошта бошад, вале ҳадафи аслии он тарғибу ташвиқи мардум ба анҷоми амалҳои солеҳ аст. Чунки аз нигоҳи фуқаҳои уммат, аз ҷумла уламои мазҳаби ҳанафӣ амал кардан ба ҳадисҳои заиф бо риояи шартҳои он, хусусан дар фазоили аъмол дуруст аст.