МИЛЛАТ БА ҲОМИИ АРЗИШҲОИ МИЛЛӢ ОВОЗ ДОД!

Вақте сухан дар бораи дастовардҳои даврони соҳибистиқлолии Ҷумҳурии Тоҷикистон меравад, бешак, пеши назар симои барҷастаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳувайдо мегардад. Зеро мо ба ҳамаи ин дастовардҳо маҳз бо шарофати сиёсати дурбинона ва хирадмандонаи Пешвои муаззами миллат ноил гардидаем. Сиёсати муваффақи Пешвои миллат буд, ҷанги таҳмилии шаҳрвандӣ дар як муддати кӯтоҳи таърихӣ бартараф гардида, барои расидан ба рушди устувор қадамҳои ҷиддӣ гузошта шуд.

Яке аз хизматҳои шоёнои Пешвои миллат муаррифии осори фарҳангию миллии тоҷикон дар сатҳи байналмилал ба ҳисоб меравад. Даҳҳо иқдомҳои наҷиби Президенти кишварро метавон номбар намуд, ки ҳамагӣ миллати тоҷикро дар сатҳи ҷаҳон ҳамчун як миллати мутамаддин муаррфӣ намудаанд.

Имрӯз, ки Пешвои миллати мо аз ҷониби мардум бори дигар ба мансаби Президенти Ҷумҳурии Тоҷикистон интихоб шуданд, ин нишонаи қадрдонию эътимод нисбат ба Пешвои миллат аст. Эътимод ба ҳомии арзишҳои миллӣ!

Бурҳониддин Аминов,

Кумитаи дин