МУРОҶИАТ БА РОҲБАРОНИ САҲА: “ДӮСТРО АЗ ДУШМАН ФАРҚ КУНЕД”

Дар дунё ташкилотҳои байналхалқӣ зиёд мебошанд,баъзе ин ташкилотҳо тамоми фаъолияташон ба манфиати инсонҳои хайрхоҳи  рӯи замин равона карда мешавад,баъзе ташкилотҳо ҳастанд, ки тамоми фаъолияташон ба экстремизм ва терроризм равона карда мешавад.

Имрӯз ман намефаҳмам, ки "Созмони Амният ва Ҳамкорӣ дар Аврупо" аз ҷумлаи кадомии инҳо  мебошад?
САҲА  худро ҳомии ҳуқуқи башар ва муборизи зидди экстремизм ва терроризм меҳисобад, дар асл бошад, ба  хилофи он амал мекунад. Мисоли равшани ин гуфтаҳо ҳамоишҳои баргузоринамудаи  ин ташкилот дар Варшава мебошад.
Возеҳу равшан аст, ки дар ин айём дар пойтахти Полша шаҳри  Варшава ҷаласаи навбатии ин созмон барпо мегардад ва иштироки аъзоёни ТЭТ  ҲНИ дар шинохти САҲА касро ба шубҳа меандозад.
Ман ҳамчун як ходими дин ба роҳбарони ин ташкилот муроҷиат карда мегӯям, ки шумо дӯсти Тоҷикистон ва миллати тоҷик ҳастед, ин террористони ватанфурӯшро дастгирӣ карда ба миллати тоҷик хиёнат накунед, баракс зидди экстремизм ва терроризм мубориза бурда, ин хиёнаткоронро аз Аврупои озод пеш кунед, ки қадами наҳси онҳо Аврупоро хароб накунад, ин ватанфурӯшон бояд ҷазои хиёнати худро гиранд.
 

Ҳоҷӣ Ҳусайн Мӯсозода,

сархатиби вилояти Суғд