مسألة № 01081
Агар инсон муртад шавад, ҳама амалҳояш ботил мегардад. Боз баргашта мусулмон шавад, амалҳояш бармегардад?
مسألة:
Ассалому алайкум устоз. 1. Агар инсон муртад шавад, ҳама амалҳояш ботил мегардад. Боз баргашта мусулмон шавад, амалҳояш бармегардад? 2. Бо келини хона, яъне зани бародар сухан гуфтан ҷоиз аст? 3. Дар мағозаҳо ранги сиёҳ мефурӯшанд, бо он мӯйи сарро сиёҳ кардан монеъи ғусл аст ё на?
Саволдиҳанда: Абдуллоҳ
إجابة:
Ва алайкумуссалому ва раҳматуллоҳ. 1. Бародари азиз, ба сабаби муртад шудан ҳамаи амалҳо ботил мегардад, вале пас аз мусулмон шудан ин амалҳо барнамегарданд. Дар ин ҳолат қазо доштани тоату ибодатҳо бар ин гуна шахс воҷиб намешавад, ба ҷуз фаризаи ҳаҷ, ки онро бояд аз нав адо намояд. 2. Бо келин ё зани бародар сухан гуфтан ҷоиз аст. 3. Ранг кардани мӯй бо ранги сиёҳ кароҳат дорад, лекин монеъи ғусл нест. (“Мухтасари тафсири Ибни Аббос”, ҷ. 2, с. 146)
