Назари Ислом дар бораи занон ва духтарони кӯчанишин чист? Мақсадам ин аст, ки баъзе занон ва духтарони ҷавон дар кӯча беҳуда менишинанд.

Ва алайкумуссалому ва раҳматуллоҳ. Бародари азиз, бидуни зарурат ва беҳуда нишастани зан дар кӯча ҳаром аст, чунки боиси зоеъ шудани вақти гаронбаҳо ва аз даст додани лаҳзаҳои пурқимати умр мегардад. Вазифаи зан ин аст, ки вақти худро дар хидмати шавҳар ва тарбияи фарзанд сарф кунад, хусусан ҷавондухтарон бояд вақти худро ба омӯхтани илму дониш ва касбу ҳунар гузаронанд, то дар оянда саодати дорайнро ба даст оваранд.