Номи Абдурабӣ чӣ маъно дорад? Оё ин номро ба фарзанд гузоштан дуруст аст?

Ва алайкумуссалому ва раҳматуллоҳ. Бародари азиз, шакли дурусти ин ном Абдурраб аст ва онро ба сурати Абдурабӣ навиштан ва ё талаффуз кардан хато аст, агарчи дар забони мардум ба ҳамин шакл роиҷ шудааст. Номи Абдурраб аз ду калимаи “абд” ва “Раб” иборат буда, маънои он бандаи Парвардигор мебошад. Номи зебанда ва муносиб аст ва гузоштани ин ном ба фарзанд шоиста ва муносиб мебошад.