Ман зино кардам ва пушаймонам. Оё никоҳи ман бурида шудааст? Мехостам муфассалтар ҷавоб диҳед.

Ва алайкумуссалому ва раҳматуллоҳ. Бародари азиз, бо анҷом додани зино никоҳ аз байн намеравад, чунки аз дидгоҳи ақидаи аҳли суннат ва ҷамоат ба сабаби иртикоби гуноҳи кабира инсон кофир намешавад. Вале бояд донист, ки зино гуноҳи кабира аст ва паёмади ногувор дорад. Чунки дунё ба мисли кӯҳ аст ва амали мо дар он ба монанди садо. ҳар кас дар ин дунё амале анҷом дод, хоҳ нек ва хоҳ бад, натиҷаи онро хоҳад дид. Шумо ба даргоҳи Худо сидқан тавба кунед ва амалҳои нек бисёр анҷом диҳед, умед аст, ки Худованд гуноҳатонро бибахшад.