Маънои номҳои Зулфиқор, Муҳаммадмурод ва Солеҳ чист?

Ассалому алайкум. Бародари азиз, тарзи дурусти номи Зулфиқор дар асл Зулфақор аст ва он аз ду ҷузъи “зў” ба маънои соҳиб ва “фақор” ба маънои сутунмуҳра иборат мебошад. Калимаи Зулфақор дар асл номи шамшери ҳазрати Алӣ (р) аст, вале дар урфи мардуми тоҷик ҳамчун номи мардона шинохта шудааст. Номи Муҳаммадмурод низ аз ду ҷузъ иборат аст. Муҳаммад ба маънои бисёр ситудашуда ва мурод ба маънои орзу ва мақсуд меояд. Номи Солеҳ ба маънои некўкор, покдоман, некўсират ва порсо меояд.