مسألة № 02189
Дар вақти бо зану фарзандон намози ҷамоат гузоридан дар хона чигуна ният бояд кард?,,,
مسألة:
Ассалому алайкум. 1. Дар вақти бо зану фарзандон намози ҷамоат гузоридан дар хона чигуна ният бояд кард? Яъне дар саффи намоз зан ҳам ҳаст. 2. Дар ракъати сеюми намози витри воҷиб баъд аз сураи Фотиҳаву Ихлос такбир гуфта дастҳоро якбора ба гўш бояд бурд ё аввал ба қад рост карда сипас баланд кард?
Саволдиҳанда: Файзуллоҳ
إجابة:
Ва алайкумуссалому ва раҳматуллоҳ. 1. Бародари азиз, дар ҳолати баргузор кардани ҷамоат бо аҳли хонавода монанди нияти намози танҳогузор ният карда мешавад, фақат ин ки муқтадиён ҷумлаи “иқтидо кардам ба имоми ҳозиристода”-ро низ мегўянд. Дар вақти саф бастан аввал мардон ва аз паси онҳо занон бояд биистанд. 2. Пас аз такбири қунут дастҳоро якбора ба сўи гўш бояд бардошт, аввал фуруд овардан ва сипас бардоштани дастҳо дар такбири қунут қавли саҳеҳ нест.
