مسألة № 00309
Дар қабристоне, ки 40 ё 50 сол мешавад, ки дар он мурдаеро гур накардаанд, сохтани таҳоратхона барои масҷид ҷоиз аст ё не?
مسألة:
Ассалому алайкум. Дар қабристоне, ки 40 ё 50 сол мешавад, ки дар он мурдаеро гур накардаанд, сохтани таҳоратхона барои масҷид ҷоиз аст ё не?
Саволдиҳанда:Иброҳим
إجابة:
Вақте, ки устухони майит пӯсида, хок гардад, хароб кардани қабраш ва бино сохтан бар он ҷоиз аст. Ҳеҷ фарқе нест, ки чӣ бино сохта шавад. Заминҳо ба эътибори пусонидан тафовут доранд. Дар заминҳои Тоҷикистон устухони майит дар муддати си то чил сол мепусад.
وأجاز الحنفية الزرع والبناء في محل قبر إذا بلي وصار ترابا
Ҳанафиҳо дар мавзеъи қабр зироат кардан ва бино сохтанро ҷоиз медонанд, вақте, ки устухонҳои майит пусида, хок гардад.
(«Ал-фиқҳул-исломӣ ва адиллатуҳу», ҷ.2, с,528)
كما جاز زرعه والبناء عليه إذا بلي وصار ترابا.زيلعي.
Ҳамчуноне, ки зироат кардан ва бино сохтан дар мавзеъи қабр ҷоиз аст, устухони майит пусида, хок гардад. («Дур-рул-мухтор», ҷ.1, с.662)
