Ассалому алайкум ва раҳматуллоҳ, бо як машаққате ба ҳар як саволу дархости мо тибқи китоб ҷавоб мегардонед. Аллоҳ илми шуморо боз ҳам зиёдтар гардонад. Домулло, саоле дорам. Баъди анҷоми таҳорат дар ойина чеҳраи худро нигарӣ, оё таҳорат макруҳ мешавад, бояд таҳоратро аз нав кард?

Бародари азиз, пеш аз таҳорат ё баъд аз таҳорат ба ойина нигаристан ҳеҷ боке надорад, балки боис мешавад, ки инсон симои худашро аз ҳар гуна нуқсонҳо ислоҳ кунад. Ин амал писандида буда, ҳеҷ кароҳате надорад ва аз нав таҳорат кардан ҳам лозим нест. Мавриди зикр аст, ки дар вақти нигаристан ба ойина ин дуо хонда мешавад:

« الحمد لله ، اللهم كما أحسنت خلقي ، فأحسن خلقي »

“Алҳамду лиллоҳ, Худоё, ҳамон гуна хилқати маро некӯ офаридӣ, ахлоқи маро низ некӯ гардон”. (Байҳақӣ).