Бо ҳамсарам ҷанг кардам ва дар сари қаҳрам як талоқ кардам. Оё ривоят дорад ва дар Маркази исломӣ Шумо никоҳ мекунед? Илтимос мекунам ба саволам ҷавоб гардонед, бисёр ғамгинам, раҳмати Худо бар Шумо бод.

Ва алайкумуссалому ва раҳматуллоҳ. Бародари азиз, агар шумо ҳамсаратонро як талоқи раҷъӣ дода бошед ва иддаи ӯ ҳануз сипарӣ нашуда бошад, яъне се узри шаръӣ надида бошад, пас дар ин сурат метавонед дар ба ҳасаратон руҷӯъ кунед ва зиндагиатонро идома диҳед. Вале агар як талоқи боин карда бошед, бояд дар ҳузури ду шоҳид таҷдиди никоҳ куне два ба ҳамсаратон маҳр бипардозед. Аз сабаби он ки масъалаи талоқ печ дар печ аст, ба шумо тавсия медиҳем, ки ба Раёсати фатвои Маркази исломӣ муроҷиат кунед, иншоаллоҳ қазияи хонаводагии шумо тибқи мазҳаби ҳанафӣ ҳаллу фасл мегардад.