Домуллои азиз, ман ба занам каме ҷанҷол кардам, ӯ гуфт, ки талоқамро деҳ. Лекин ман ба ӯ “сарат додам” гуфтам. Ин чӣ мешавад?

Ва алайкумуссалому ва раҳматуллоҳ. Бародари азиз, дар масъалае, ки шумо баён кардаед, ҳамсаратон як талоқи боин шудааст. Агар ин воқеа дар муддати зиндагиатон бори аввал рух дода бошад,  бояд дар ҳузури ду шоҳид аз нав никоҳ кунед, сипас метавонед зиндагии худро идома диҳед. Хотиррасон бояд кард, ки масъалаи талоқ паҳлуҳои гуногун ва печида дошта, тафсилоти бештарро талаб мекунад. Аз ин рӯ, хуб мешуд, ки барои огоҳӣ аз тафсилоти бештар оиди ин масъала ва ҳосил шудани ҷавоби дақиқу саҳеҳ ба Раёсати фатво муроҷиат мекардед.