Агар пулу мол аз роҳи ҳаром бошад ҳам аз он закот адо менамояд?

Агар пулу мол пурра ҳаром бошад, дар он закот воҷиб намешавад. Аз нигоҳи Имоми Аъзам (р) агар моли ҳаром бо ҳалол омехта шуда бошад, дар ин сурат агар моли ҳалол ба нисоб расида бошад, дар он закот воҷиб мешавад, вагарна закот воҷиб нест. Аммо моли ҳаромро бояд ба соҳибаш баргардонад. Агар соҳибаш маълум набошад, онро ба муҳтоҷон бе нияти савоб садақа кунад. (“Раддул муҳтор”, ҷ.2, с.291).