Ассалому алайкум домуллои муҳтарам ва гиромӣ. Оиди наздик будан ё набудани қиёмат чизе мегуфтед.

Ва алайкумуссалому ва раҳматуллоҳи ва баракотуҳу. Бародари азиз, илми барпо шудани қиёмат аз ҷумлаи ғайби мутлақ аст, яъне ғайр аз Худованд дигар ҳеҷ кас онро намедонад. Дар ҳадисе омадааст, ки Ҷабраил (а) ба сурати марде омада, аз Расули Худо (с)  чанд суол кард ва дар охир пурсид: “... Маро аз омадани рӯзи қи­ёмат хабар деҳ!” Он Ҳазрат (с) гуфт: «Дар ин бора ҷавобдиҳанда аз суолдиҳанда донотар нест». Яъне ман ҳам чун ту илми барпошавии қиёматро намедонам. Фарди мӯъмин бояд дар ҳама ҳолат некӯкор ва боибодат бошад, ҳеҷ хатар ва газанде ба ӯ нахоҳад расид. Худованд шуморо нигаҳбон бошад.